Les mots surlignés font l'objet d'une note
1Répondue.
2Monsieur, ce mot sera seulement pour vour dire que jay receu par Gilibert la
3lettre que mavés escrite du VIIme de ce moys et au paravant en avoys receu
4une aultre escrite le XXVIIIme du passé, par lesquelles jay veu comme vous,
5madame de Gordes et notre frère Monsieur de La Roche continués tousiours
6en bonne santé, dont jen suis très ayse et en loue Dieu de bon cueur. Par
7sa grace nous en sommes tous de mesmes ça bas et despuys le IIIIme
8de ce moys le temps cest tousiours adoucy, de sorte que maintenent nous
9sentons bien peu de froid, estant toutes les neiges et glaces fondues,
10qui me faict esperer votre arrivée bien tost pardeça Je panse que les
11lettres que jescrivoys à notre frère monsieur d’Evènes et à mon neveu
12de Laval, questoyent dans la despeche que receutes par le moyen de
13madame la contesse de Grignan, leur auront esté envoyées. Par celle
14que mondit neveu mescrit, jay entendu leur bon pourtement et de mon
15neveu Balthezard aussi. Je pris Dieu de bon cueur les y vouloir conserver
16longuement . Et à tant, je me recommande très humblement à votre
17bonne grace, à celle de madame de Gordes et de notre frère, en
18priant Dieu,
19monsieur, quil vous doint la sienne accompaignée de longue et contante
20vie. D’Apt, ce XIXme jour de lan 1573. Vous naurés par
21ce pourteur aucunes lettres de monsieur de La Coste, ny de monsieur
22de Baumettes, car ilz sont à Aix.
23Votre bien humble et obeissant frère
24Baptiste de Simienne